ترايفل الكنافة بالكريمة وياميش رمضان

300 جرام كنافة مفروكة ناعم

50 جرام زبدة

1 علبة قشدة ابو قوس او اى نوع

1 باكيت كريم شانتية

1 فنجال صغير لبن

2م ك سكر بودرة

ياميش رمضان (مشمشية -قراصيا -تين) مقطع مكعبات صغيرة

شربات (شيرة -قطر)




الطريقة:



-لعمل الكنافة ناعمة جدا بدون مجهود اشتريها وحطيها فى الفريزر وبعد كام ساعة طلعيها هتبقى سهل اوى انك تنعميها .



-ضيفى عليها الزبدة بعد تزويبها على النار وافركيهم براحة اليد كويس لحد ما يتجانسوا وحطيها فى فرن مسخن مسبقا على حرارة 180 لمدة 10 دقائق او حتى يصبح لونها ذهبى وتترك لتبرد.



-إخفقى الكريم شانتية مع اللبن والسكر حتى تحصلى على قوام متماسك وضيفى نصف علبة القشدة وقلبى بالملعقة على خفيف عشان ميهبطش



-قطعى الياميش قطع صغيرة عشان يسهل مضغها



-لعمل الشربات :1 كوب سكراو كوب عسل مع نصف كوب ماء وقطرتين ليمون ويكثف على النار.



*نبتدى فى كاسات بطبقة من الكنافة ثم طبقة شربات ثم طبقة من الكريمة ثم الياميش وهكذا حتى قمة الكأس وننهى بطبقة من الكريمة.

يزين بقطع من الياميش وتقدم باردة 

صحة وهنا واتمنى بجد تجربوها واهتعجبكم جدا لان طعمها جديد وخفيف 

داليا شبانة