رومانسية.كلام ناعم

كانت متابعه صفحته

لحظة بلحظة
بوست بوست
كومنت كومنت
لايكايه لايكايه

كل لما يكتب كلمة حب قلبها يرفرف ويطير كده زى العصافير
وكل لما يكتب كلمة وجع او عتاب دموعها تنزل وتقول يارب انا بس عملت ايه؟!!

كل كلمة كان بيكتبها كانت بيكتبها ليها
وكل احساس كانت بتحسه كانت بتحسه ليه
وكل دمعه كانت بتنزل كانت بتنزل من شوقها ليه
قالها بحبك واتارى الكلمة اتقالت لميت واحدة واتخدعت فيه
قالها مشتاق واتارى الشوق فى قلبه مش بيعترف اصلا بيه

اتاريها كانت كلمات معسولة والسم كان مدسوس فيه

قالتله وبعدين انا وانت هيكون مصيرنا ايه؟؟؟
قالها يا حبيبتى بيت صغير وفى طريق الحلال هناك راح اقابلك فيه

لحد لما جه اليوم اللى لقت نفسها فى دوامه وفى طريق مش عارفه اخره ايه

طريق مليان اشواق وعذاب وجراح وااااااااااااااهات مش عارفه ليه

لقت نفسها ولا حاجه كانت مجرد بس لعبه بين ايديه
بس الحق مش عليه الحق على اللى سلمت له حاجه

مش حق ليه

ومن يومها وحلفت انه قلبها ده مش هتسلمه الا للى يستحقه ويعرف بجد يحافظ عليه

وده مش هيكون الا لواحد راح على باب ابوها وخبط وقاله يا عمى اسمحلى اطلب ايد بنتك ونبنى مع بعض بيت على السنه والقران هنربى ولادنا فيه

وساعتها هيكون حلالها وبكل الحب هتعطيه

لا تقولوا حب ولا بطيخ الحب فى قاموسها خلاص مش معترف بيه
الحب الحرام اقصد لكن الحب الحلال هو اللى القلب يتمنى يعيش العمر كله بيه
(رساله قصيرة لكل بنت سمحت لنفسها انها تكلم شاب على الفيس او الشات او غيره
متصدقيش اى كلام حب يقوله ليكِ لان ببساطه زى ما قاله ليكِ ممكن يكون قاله لكتير غيرك وانتى بالنسبه له من ضمن مجموعة البنات اللى عرفهم على النت .....
وكلمة فى ودنك مننا طالما الشاب لقاكِ سهله بين ايديه عمره ما هيفكر فيكِ كزوجه ليه )