ضرورى جدا اننا من فترة للتانية نفتح صفحتنا على الفيس بوك و نشوف ايه اللى عليها و يا ترى لما بنكون قافلين الفيس صفحتنا بتكون عداد حسنات و لا عداد سيئات بيعد علينا
ضرورى جدا نراجع كل حاجة نشرناها و كل كلمة قولناها فى لحظة غضب او نكتة اتريقنا فيها على حد و نمسح الحاجات دى عشان نوقف عداد السيئات
ضرورى جدا نراجع كل ( لايك ) عملناها و كل ( كومنت ) كتبناه و نشوف هيكون شاهد لينا او علينا و نجعل نيتنا من الفيس هى رضا ربنا سبحانه و تعالى و بس
حتى و احنا بنهزر مع اصحابنا نكون واخدين نية ادخال السرور على قلب مسلم
عايزين يوم ما نموت اللى يفتح صفحتنا يدعيلنا مش يدعى علينا لا قدر الله
و حاجة تانية انا بعملها و هى ان اى حاجة مفيدة بنشرها او اكتبها بعملها للعامة بحيث ان اى حد يفتح صفحتى يستفيد و يكون ميزان حسناتى شغال حتى لو انا قافلة الفيس و مش بعمل حاجة
خلونا نتخيل ان صفحة الفيس هى صحيفتنا يوم القيامة و نشوف عايزينها تكون ازاى ....
.
.
مجرد خاطرة جت فى بالى حبيت اشاركم بيها علها تكون فى ميزان حسناتى يوم القيامة *
الرئيسية 
البوابة 
