جدول العبادات

جدول التقرير لمده 20 يوم



ارجو انك تقري للاخر
لان في اتفاقات مهمه هقولها دلوقتي هنا في الاخر


الجدول تصميم هوبة
ايلي هي فاطمة الزهراء ربنا يفرح قلبك يارب


ركزي معايا مرة واحده 
وبعد كده هتلاقي نفسك فهمتي الجدول باذن الله 

اول خانه مكتوب فيها الصلاة ودي عليها 10 درجات يوميا باذن الله 

على كل فرض درجتين 

هتوزعي ازاي الدرجتين 

مثلا الاذان اهو بياذن 
لو قومتي تصليه في وقته
وقته ايلي هو من اول ما يخلص اذان لحد ما المسجد يخلص صلاة يعني بعد الاذان بحوالي نص ساعه مثلا

هتاخدي درجة ولو اتاخرتي عن 40 دقيقة هتنقصي نص درجة حتى لو صليتي قبل الاذان التاني

ايلي تجمع الصلاة بقى مش هتاخد درجة ع الوقت اصلا

طيب دي درجة واحنا قولنا ان الفرض له درجتين
الدرجة التانيه على الخشوع 

صليتي بخشوع وتركيز او حتى لو مش اوي يعني كل شويا تسرحي وبعدين تركزي وهكذا هتاخدي درجة

لو مفيش خشوع خالص اغلب الركعات 
مفيش درجة كده للخشوع 





الخانة 2
اذكار بعد الصلاة 

عليها 2.5 
اشمعنا؟

بعد كل فرض هتقوليها = نص درجة 

عندنا 5 فروض 
يبقى المجموع 2.5 

ايلي متعرفش ايه هي اذكار بعد الصلاة 
تدخل هنا


اذكار بعد الصلاة




الخانة 3

الدعاء
= 2.5 درجة

برده عند كل صلاة هتدعي ولو دعوة واحده 




الخانه 4

قراءة قرءان يوميا 

4 صفحات 
بصي مش هياخدوا منك 10 دقايق من يومك كله واقل كمان باذن الله

على كل صفحة درجة 
= 4 درجات 




الخانة 5
اذكار الصباح=2.5 درجة
اذكار المساء= 2.5 درجة





الخانة 6 

استغفار 
على الاقل 20مرة في اليوم = 2 درجة

10 الصبح
و 10 بليل

طبعا ايلي تزود بجد جزائها عند ربنا اكييييييييييد انا بس قللت عشان مضغطش عليكم بالاجبار وانتو لسه في اول الطريق





الخانة 7 

صلاة على الرسول 
عليه الصلاة والسلام 
2 درجة

نفس الكلام

10 مرات بالنهار
10 مرات بالليل


[b] 

الخانة 8
بر الوالدين 
او الزوج ان وجد

=2 درجة 

البر بييجي ازاي؟
بانك لو بنت ولسه عايشة مع ماما او بابا او الاتنين 
تسمعي كلامهم(الطاعه)
مترفعيش صوتك ابدا مهما كان السبب 
متتكلميش عنهم بسوء
تساعديهم 
تدعيلهم 
تقضي معاهم وقت ولو نص ساعه او ساعه 

ولو انتي متزوجه 
لازم كل يوم تتصلي بيهم 
وكل اسبوع مثلا تزوريهم ان امكن 
وتساعديهم لما تزوريهم في اي حاجه حتى في شغل البيت 

[/b]
[b] 

اخر حاجه
الخانة 9
الرضا 
= درجتين 

دا بقى باحساسك انتي 
لو انتي راضية عن نفسك 
لو انتي شايفه نفسك ف اليوم مكسلتيش 
لو شايفه نفسك عملتي حاجه حلوة تستاهل 
لو شايفه نفسك اليوم خلص من غير اي كذبة ولا نفاق 

فدي درجتين بايدك عشان تشجعي نفسك 

وفي الاخر تجمعي درجات اليوم زي مانتي شايفه 
المجموع 32 

[/b]

[b]

بالنسبة للمستوى الرفيع 
دا للمتميزين بقى 
اختياري 
عليه 3 درجات مضافه على المجموع الاصلي 

ايلي مش هتعمله عادي
لا تحاسب عليه 

عبارة عن ايه؟

قراءة سورة الملك قبل النوم 
او
ركعتين قيام الليل

[/b]
[b]



تمام؟؟

[/b][b][b][b]بلاش كسل 
يعني بالنسبة للكتابه في الجدول 
ايلي متعرفش ازاي

تدخل هنا
[/b][/b][/b][b][b][b][b][b][b][b][b][b]شرح تفصيلي للكتابة في الجدول على برنامج الرسام[/b][/b][/b][/b][/b][/b][/b][/b][/b]


وايلي برده مش هتعرف 
خلاص 

بلاش

بس لما تدخل في فصلها مع المشرفه بتاعتها 
تقول عن طريق الكتابه العاديه 

انا درجتي في الصلاة كذا من 10
في الدعاء كذا 
القرءان كذا 

فاهمين؟؟

وياريت كل بنت منكم تكون مسئولة عن نفسها يعني اجمعي درجاتك بنفسك 

انا عامله خانه في الجدول اسمها المجموع عشان انتي ايلي تجمعي 

متتعبيش المشرفه 
هي هتجمع لمين ولا لمين 

[b][b]

البنات ايلي مش بيحبوا يحكموا على نفسهم بالدرجات 
مفيش مشكله لو انتي مستغنية عن المسابقات والمكافئات 

ادخلي قولي انا مقصرة في كذا وكذا وخلاص 

[/b][/b]
[b][b]

اخر حاجه 

توزيع الدرجات واضحه 
فايلي هتسال فيها تاني 
هفهم انها مكسله تقرا 
ومش هرد معلش 
انا مش هقعد اتعب نفسي في الكتابه 
وفي الاخر الاقيكي مش هاين عليكي تقري 
دا وضع تاني بقى

لكن ايلي قرت ومش فاهمه تحت امرها 
وعموما اول يوم هنبدا فيه هتفهمي كل حاجه عملي باذن الله[/b][/b]
.................................................. ...............

كنت هنسى

جدول العذر الشرعي بالدرجات 

اذكار الصباح = 5 درجات
اذكار المساء=5 درجات
استغفار =10
صلاة على الرسول عليه الصلاة والسلام=5
الدعاء=5
ترديد ورا الاذان مرتين على الاقل=2

كده المجموع برده 32 تمام